Shirkii 2aad ee Garoowe oo ay ka soo baxeen Go’aano ay Adkaan doonto Fulintooda

Wararka ka imaanaya Degmada Garoowe ee Gobalka Nugaal ee Maamulka Puntland waxay sheegayaan in halkaasi lagu soo gebagabeeyey shirkii Garoowe labo oo mudo 4 maalmood ah halkaasi ka socday, waxaana shirkaasi soo xiray Madaxweynaha Dowladda Federaalka KMG Sheekh Shariif Sheekh Axmed oo sheegay in go’aanada ka soo baxay shirka ay yihin kuwo muhiim ah balse ummadda Soomaaliyeed looga fadhiyo sidii loo fulin lahaa qodobadaasi.

Halkan ka daawo sawirada shirkii Garoowe 2

Qodobada ka soo baxay shirkaasi ayaa waxaa ka mid ah in 18-ka gobal ay soo xushaan gobal walba 3 xubnood oo loogu yeeri doono Golaha Wakiiladda waxayna tiradu isku noqoneysaa 54 xubnood, hase yeeshee soo xulitaankaan wakiilada Gobaladda ayaa dadka u dhuun daloola siyaasadda Soomaaliya waxay sheegayaan in ay adkaan doonto qaabka loo soo xulayo wakiiladaasi, maadaama gobalada qaarkood ay wada deganaan dhowr beelood oo ay adkaan doonto sida wax loogu qaybiyo.

Qodobada kale ee shirka ka soo baxay waxaa ka mid ah in la dhiso Gole Baarlamaan oo gaaraya 225 xildhibaan, lamana faahfaahin cida soo xuleysa baarlamaankaasi oo la sheegay in ay dooran doonaan Guddoomiyaha Baarlamaanka iyo ku xigeenadiisa kadibna ay dooran doonaan Madaxweynaha Dowladda Federaalka, hase yeeshee soo xulitaanka golaha Baarlmaaanka ee iminka Jira oo markii ugu horeysay dhibaato weyn lakala kulmay ayaa haddana la sheegayaa in ay adkaan doonto in si dhaqsi leh loo soo xulo. Sidoo kale waxaa lagu heshiiyey in Haweenka ay ku yeeshaan Baarlamaanka Boqolkiiba Sodon.

Waxaa kaloo ka mid ahaa Go’aanadda ka soo baxay shirkii Garoowe waxaa ka mid ah in Xukuumadda la magacaabi doono Wasiiradooda ay noqdaan Tiro gaareysa 28 Wasiir waxa weli las isku mari la’ yahay Guddiga Dastuurka Qaranka waxaa kaloo la isku mari la’ yahay Golaha Maxakamadda Sare iyadoo labadaan Qodob weli aan si rasmi ah loogu heshiin.hadana waxaa dastuurka Ansaxin doono ilaa Kun qof oo laga soo xuli doono qaybaha kala duwan ee Bulshada.

 

Halkan ka daawo sawirada shirkii Garoowe 2

Shirkii 2aad ee Garoowe waxaa lagu gaaray in go’aanadii ka soo baxay in lagu dhameystiro shirka 23-ka bishan la filayo in uu ka furmo Magaalada London ee dalka Ingiriiska oo la filayo in ay ka qaybgalaan saxiixayaashii Shirkii Garoowe balse ummadda Soomaaliyeed ayaa dhaliilsan shirkaasi, waxayna dadku u qaybsan yihini labo qaybood, qaar ayaa sheegaya in go’aanadii shirkaasi ka soo bixi doona aysan waxba ka duwaneyn shirarkii horey loo qabtay oo qaarkiid ku dhamaaday fashil iyo dagaal halka kuwa kale ay leeyihiin waxaa shirka London ka soo bixi kara go’aano wax ku ool ah oo wax weyn ka bedeli kara xaaladda dalka Soomaaliya.

Categories: Truth to Power | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: